Inteligentaj Urboj

Ĉŭ eblas labori en la urbo ‘Pasargado’, ĉu vi konas ĝin? La fama brazila poeto Manuel Bandeira priskribis ĝin iomete en la jaro 1930. Verkante poeme, li diris ke tien li irus ĉar li estas amiko de la reĝo de tiu urbo.

Ĝi tiutempe estis por li kiel tute nova civilizacio kaj li diris, poeme, ke tie eblas fari gimnastikon, bicikli, sinbani marborde, kaj imagu, eĉ aŭtomatan telefon-aparaton oni povus trovi tie. Je la fino de ĉi tiu libro, oni prezentas la tutan poemon.

Ĉi tiu fantazia urbo estos ege interesa, ĉar pere de ĝi oni prilaboros la ŝanĝojn de la urboj okazantajn en nia tempo, kiuj komenciĝis je la fino de la lasta jarcento kaj daŭre plifortiĝas en ĉi lastaj jaroj, kaj promesas nenombreblajn plibonigadojn al nia urba vivo.

Unue ili estis nomataj inteligentaj urboj, poste inteligentaj kaj evoluaj daŭripovaj urboj, kaj fine, oni nomas ilin inteligentaj, evoluaj, daŭripovaj kaj homecaj urboj.

Ni du, aŭtoroj de ĉi tiu verko, estis invititaj de la reĝo de Pasargado por gvidi kurson pri Inteligentaj Urboj, ĉar li volas ke lia bela Pasargado eniru en la vicon de la inteligentaj urboj de la mondo. Eble vi ne scias ke tie ekzistas granda kaj fama Universitato, kiu omaĝas L.L.

Zamenhof kaj nomiĝas Internacia Universitato pri Homaranaj Pensoj.